Müsabiqə qalibləri mükafatlandırılıblar
Naxçıvan Muxtar Respublikasının Gənclər və İdman Nazirliyi tərəfindən başladılan “Mütaliədən qalma!” adlı onlayn kitab müsabiqəsinin nəticələri açıqlanıb. Qeyd olunan müsabiqə şərtləri əsasında Taleh Hüseynli qalib adına layiq görülüb. Qoşqar İsmayılzadə ikinci, İlkanə babayeva isə üçüncü yerə sahib çıxıb.
Gənclər və idman naziri səlahiyyətlərini icra edən, nazir müavini Məcid Seyidov mükafatçılara diplom və hədiyyələr təqdim edib.
Qeyd edək ki, nazirlik tərəfindən gənclərin dünyagörüşünün zənginləşdirilməsi, mütaliə vərdişlərinin və yaradıcı qabiliyyətlərinin stimullaşdırılması məqsədilə bu tipli müsabiqələr davam etdiriləcəkdir.
